2017 жылғы қыркүйектің 5-нен 6-на қараған түні өздеріне сеніп тапсырылған «ИнтергазОрталықАзия» АҚ-ға тиесілі объектінің күзеті бойынша қызметте жүрген күзетшілер С.С. Құрымбаев, А.Н. Бектұрсынов және Ғ.А. Қауынбаев электр беру желісінің сымын ұрлауға күдікті тұлғаны ұстап, артынан заттай айғақтармен бірге Жамбыл АІІБ қызметкерлеріне тапсырған.

Қазіргі кезде Жамбыл АІІБ қызметкерлері жоғарыда аталған ұрлыққа қатысы бар тағы 3 адамның тұрған жерін анықтап, оларды ұстау бойынша жедел-іздестіру шараларын жүргізуде.

Күзетшілер С.С. Құрымбаевқа, А.Н. Бектұрсыновқа және Ғ.А. Қауынбаевқа 2017 жылғы 25 қыркүйек күні Жамбыл облысы Ішкі істер департаменті тарапынан құрмет грамоталары табыс етілді.