2017 жылғы 27-29 қыркүйекте «KMG-Security» ЖШС орталық аппаратының қызметкерлері «Террорлық тұрғыдан осал объектілердегі террорлық қатерлерге қарсы іс-қимыл» конференциясына қатысты.

Конференция спикерлері ретінде ҚР Терроризмге қарсы орталығы штабының басшылығы, Ұлттық қауіпсіздік комитеті мен Ішкі істер министрлігінің өкілдері сөз сөйледі.  

Конференция аясында:

• ТТО объектілердегі террорлық қатерлерге қарсы тұрудың тиімді шараларына;
• объектілерді инженерлік-техникалық жабдықтау жүйелерін (қоршаулар мен бөгеттер, бейнабақылау, қолжетімділікті бақылау және басқару, дабыл, хабарлау және байланыс, өртті анықтау және сөндіру жүйелері) қолдануға;
• апаттан құтқару жабдығы мен техникасына қатысты мәселелер қарастырылды.

Қауіпсіздік құралдарын өндірушілер мен жеткізушілер қатысушыларға күш ведомстволары мен күзет қызметінің субъектілерін жарақтандыруға қажетті техникалық құралдар мен жабдықтардың заманауи әзірлемелерін таныстырды.