Жаңалықтар
2021 жылғы 16 маусым күні сағат 23:10-да «ҚазГӨЗ» ЖШС күзетшісі А.Оңдағанов күзетілетін объекті аумағында №1 БӨП-тен 400 метр қашықтықта өрт шыққанын байқады.
Өзара әрекеттесу сызбасына сәйкес жедел тәртіпте өрт шыққаны туралы филиалдың кезекші бөлімі мен «Қаз ГӨЗ» ЖШС диспетчеріне хабарланды, ол «Өрт сөндіру қызметі-М» ЖШС өрт депосына хабар берді.
Өрт сөндіру күштері келгенге дейін «KMG-Security» ЖШС қызметкерлері ТЖ орнын күзетті. Қосымша күштер, «ҚазГӨЗ» ЖШС мен «ӨзенМұнайГаз» ПО УПНиПО ұтқыр топтары жұмылдырылды.
Өртті сөндіруге «Өрт сөндіру қызметі-М» ЖШС, сондай-ақ ТЖМ мен «Өзенмұнайгаз» АҚ екі өрт сөндіру есептобы, барлығы 12 бірлік өрт сөндіру арнайы техникасы тартылды.
Күзет және өрт сөндіру есептоптары қызметкерлерінің жедел әрі үйлесімді іс-қимылдарының арқасында сағат 00:17-де өрт толығымен жойылды. Объекті аумағы қоршалған.
Зардап шеккендер жоқ, өрттің себептерін анықтау жұмыстары жүргізіліп жатыр.