Құрметті әріптестер, серіктестер және достар!

Сіздерді көктемнің күншуақты мерекесі, жыл басы - Наурыз мерекесімен шын жүректен құттықтаймыз!

Наурыз - ежелгі күн күнтізбесі бойынша жаңа жылдың басы ғана емес, сонымен қатар бұл - жаңару, үміт пен жаңа бастамалардың уақыты. Бұл мереке жарқын дәстүрлердің жалғасы, адамдарды біріктіріп, жүректерге қуаныш пен жылулық толтырады. Наурыз күні әрқайсымыз табиғатпен ерекше үйлесімділікті сезініп, жаңа мақсаттарға жету үшін жағымды энергия мен шабыт ала аламыз.

KMG-Security» ЖШС өңірлік бөлімшелерінде кәсіподақ ұйымының қатысуымен осы мереке күндері ұлттық салт-дәстүрлерге толы және ұлттық тағамдар ұсынылған  жарқын және мерекелік іс-шаралар ұйымдастырылды. Қызметкерлер отбасылық дәстүрлері мен Наурыз мерекесінің тарихындағы ең жарқын сәттерімен қуана бөлісті, сондай-ақ түрлі байқауларға, билер мен ойындарға қатысты.

Серіктестік басшылығы мерекеге қатысқан баршаңызға шын жүректен алғыс білдіреді және жаңа жылда отбасыларыңызға амандық, жұмыста сәттілік және денсаулық тілейді!