2024 жылы мұнай-газ кешені қызметкерлерінің күнінде тағы бір мерейтойлық күн - қазақстандық мұнайдың 125 жылдығы атап өтіледі. Осы жылдар ішінде қазақстандық мұнай-газ өнеркәсібі бірнеше ұңғымалардан ірі индустрияға дейін өсіп, елімізді ірі геосаяси ойыншыға айналдырды.

5 қыркүйекте Астана қаласында «ҚазМұнайГаз» ҰК АҚ Басқарма төрағасы Асхат Хасенов ҚМГ еншілес және тәуелді ұйымдарының ұжымдарын кәсіби мерекемен және қазақстандық мұнайдың 125 жылдығымен құттықтады. Еңбек сіңірген қызметкерлер төсбелгілермен және құрмет грамоталарымен марапатталды.

Номинанттардың қатарына «KMG-Security» ЖШС өңірлік бөлімшелерінің күзет қызметкерлері де кірді.

ҚМГ құрмет грамотасымен компанияда 23 жылдан астам жұмыс істеген Қарағанды филиалының күзетшісі Е. Жарылғапов марапатталды. ҚМГ естелік белгісімен Атырау филиалының аға күзетшісі Е. Сұлтанғалиев марапатталды, оның компаниядағы жұмыс өтілі 22 жыл.

Серіктестіктің өңірлік бөлімшелерінің 46 қызметкеріне, оның ішінде компанияда 15 жылдан астам жұмыс істеген құрметті зейнеткерлерге естелік белгілер табысталды.

Қазақстандық мұнайдың мерейтойы ел экономикасы үшін осы саланың маңыздылығын атап өтіп, оны құрған және дамытқан адамдарға деген құрметін білдірген жарқын мереке болды.