Тапсырыс берушінің кешенді қауіпсіздігін қамтамасыз етудің маңызды элементтерінің бірі үрейлі оқиғаға «KMG-Security» ЖШС жедел әрекет ету топтарының (ЖӘТ) күшімен дербес әрекет ету бойынша қызметтер ұсыну болып табылады.   

ЖӘТ-тің негізгі мақсаты – Серіктестіктің күзет күштерін шұғыл әрі күш жағынан қолдау.

ЖӘТ-тің міндеттері:

• төтенше жағдайлар туындаған кезде нысандар күзетін дереу күшейту;
• күзетілетін нысандарға қатысты құқыққа қайшы қастандыққа жедел әрекет ету;
• шабуыл кезінде күзет қызметкерлеріне күштей қолдау көрсету;
• құқық қорғау, арнайы және басқадай мемлекеттік органдардың күзетілетін нысандар аймағындағы жедел алдын алу, іздестіру және басқадай шараларына көмек көрсету;
• адамдарды, жүктерді, тауарлы-материалды құндылықтарды алып жүру.

«KMG-Security» ЖШС-ның жедел әрекет ету топтары шұғыл шараларды тездетіп ұсынуды, қолдануды, тәжірибелік көмек көрсетуді  жүзеге асырады:

• қорғалатын меншікке немесе тұлғаларға қатысты қылмысқа бағытталған әрекеттер жағдайында (шабуылдар, қарақшылық, тонау, ұрлық, қоқан-лоққы, арандатушылық әрекеттер);
• төтенше жағдайлардың орын алуына байланысты зор қауіппен астасып жатқан жекелеген тапсырмаларды орындау барысында;
• VIP дербес қорғау элементтері пайдаланылатын кездесу, шығарып салу және алып жүру бойынша кенеттен туындайтын міндеттер барысында;
• қызмет көрсетілетін нысандардың барлығында қызметкерлер мен тапсырыс берушінің клиенттеріне қатысты құпия қорғау шараларын жүзеге асыру кезінде;
• нысандардағы уақиғалар кезінде;
• нысандар күзетін күшейту қажет болғанда;
• өрт, табиғи және техногенді сипаттағы апаттар орын алғанда.

«KMG-Security» ЖШС-ның жедел әрекет ету топтарын материалды-техникалық қамтамасыз ету жабдықтаудың жоғары деңгейіне сай, төмендегілерді қамтиды:

• жүріп өту мүмкіндігі жоғары автомобиль;
• сандық, спутниктік байланыс құралдары;
• GPSнавигация;
• түнгі көру аспабы, қашықтық өлшеуіш;
• фонарь, дүрбі, құбылнама;
• қару-жарақ (иір ойықты қаруды қоса алғанда);
• арнайы құралдар, жасырын киілетін оқ өтпейтін кеудеше;
• белгі беру зымырандары (белгі беру оқ-дәрілері);
• түнемел қаптар, бензин және су қорына арналған канистрлер;
• құрғақ азық үлесі (кемінде екі күнге);
• бекіністік құрал-саймандар, жүкшығыр, сырғанауға қарсы шынжырлар және қойылған міндетті кез келген жағдайда орындауға мүмкіндік беретін  көптеген басқа да құралдар.