Құрметті әріптестер!

Жер беті жанданып, айналаға құт-береке даритын шұғылалы Наурыз мерекесімен шын жүректен құттықтаймыз!

Бүгінгі күні Наурыз көп ұлтты Қазақстанның ең жарқын әрі сүйікті мерекелерінің біріне айналды. Наурыз - жаратылыстың жаңарып, адамдар арасында достық, келісім, өзара түсіністік орнауының нышаны.
 Айтулы мерекенің ерте замандардан жасампаздыққа толы жарқын күн, жаңа жыл бастауы ретінде құрметтелуі тегін емес.
 Ал жаңа жыл әрқашан да жақсылыққа үміт артып, тың жоспарлар құратын, көкейкесті арман-тілектердің орындалуын күтетін шақ екені тағы аян.

Ендеше, Наурыз мейрамы Сізге әрі жақындарыңызға денсаулық, бақыт және гүлдену әкелсін деп тілейміз!