«KMG-Security» ЖШС-де омбудсмен институтын құру мүдделер қақтығысының алдын алу және реттеу жөніндегі шараларды күшейтуге, компанияның имиджін жақсартуға, әдеп саласындағы барлық бұзушылықтарды, «KMG-Security» ЖШС ішкі құжаттарының талаптарын және Қазақстан Республикасының заңнамасын тәуелсіз және бейтарап қарауға бағытталған.

Омбудсмен өз қызметінде Қазақстан Республикасының заңнамасын, «KMG-Security» ЖШС Жарғысын, омбудсмен туралы ережені, «ҚазМұнайГаз» ҰК АҚ Іскерлік әдеп кодексін және «KMG-Security» ЖШС өзге де ішкі құжаттарын басшылыққа алады.

«KMG-Security» ЖШС омбудсменінің негізгі міндеттері:

• Еңбек даулары мен жанжалдарын, әлеуметтік-еңбек сипатындағы проблемалық мәселелерді шешуге, сондай-ақ қызметкерлердің «ҚазМұнайГаз» ҰК АҚ Іскерлік әдеп кодексі қағидаттарын сақтауына жәрдемдесу;
• Еңбек даулары мен жанжалдарын ерте ескерту және реттеу арқылы «KMG-Security» ЖШС рейтингі мен имиджін арттыруға жәрдемдесу;
• «KMG-Security» ЖШС (өңірлік бөлімшелер) басшылығы мен қызметкерлер арасындағы бейресми коммуникацияларды қамтамасыз ету, осы негізде жетілдіру үшін проблемалар мен бағыттарды уақтылы анықтау, Серіктестіктің саясаты мен рәсімдерін жетілдіру жөнінде ұсыныстар енгізу.